Kapalaran

Tatlong uri ng pagmamahal ang nakatakdang

Sumibol sa mga puso ng tatlong nilalang…

Isang pagmamahal na bilanggo sa nakaraan…

Pagmamahal na handing magsakripisyo at mamatay…

At pusong tapat magmahal…

Mga pusong magkukrus at susubukin

Nang tadhana kung hanggang saan at kailan

Ang kanilang paniniwala, paguunawa

At pagmamahal sa isa’t isa…

Kailan magsasama ang dalawang

Pusong itinakda nang kapalaran at tadhana?

Manaig kaya ang tunay na pintig ng puso?

O ang kasakiman at ang pagkasuklam ang manaig?

Ang buhay ng tao ay umiikot sa gulong ng Kapalaran. Walang nakapagsasabi kung hanggang saan at kailan ang kayang tahakin nito. Minsan nalalasap mo ang kaginhawaan, karangyaan, at kapangyarihan. Nagagawa lahat. Nakukuwa ang mga bagay na minimithi. At kayang paikutin sa palad ang anumang kapangyarihan. Ngunit mapusok ang Kapalaran, mapaglaro. Sa isang iglap maglalaho na lamang ng parang bula ang lahat lahat ng tinatamasa ng iyong buhay. Sa lupa lalagapak ang mga paang dati'y sa gintong tarangkahan nakatungtong at lalasapin ang pakikibaka sa kahirapan. Sadyang ganyan ang Gulong ng Buhay, hindi mo alam kung kailan ka lilitaw o kailan ka lulubog.